Paris - Ide guide ditore 6

Nje tjeter intenerar per nje guide turistike nje ditoreshe, mendoj, aksesibel dhe interesante per te gjithe…

Filloni viziten ne Hôtel de Ville (Bashkine e Parisit). Vazhdoni ne rrugen Rivoli dhe duke patur Bashkine ne kurriz, merrni djathtas rruges Rivoli. Lagjia qe shtrihet perpara jush eshte lagjia e Marais (Mare) nje nder lagjet me ne mode ne shekullin e XVII . Ne fund te rruges Rivoli, ne krahun e djathte ndodhet kisha Saint Paul (Shen Pol) e ndertuar ne shekullin e XVII nga dy arkitekte jezuite.

Duke vazhduar me tutje ne te majte do te kaloni perpara Hôtel de Sully (Hotel de Suli), ndertuar ne 1630 sot eshte Qendra Kombetare e Monumenteve dhe gjithashtu nje Biblioteke. Dy hapa me tutje gjindet Place des Vosges, nje nder sheshet me te vjetra te Parisit, i njohur me pare me emrin Place Royale (Sheshi Mbreteror). Per ata qe deshirojne mund te vizitojne shtepine e Viktor Hygose , shtepi ku ka jetuar per 16 vjet (ndertesa me numrin 6).

Rikthehuni ne aksin e rruges Saint-Antoine dhe priteni ne mes duke vazhduar ne rrugen Beautrillis. Zbrisni ne kete drejtim deri ne Sene dhe kaloni mbi Pont de Sully (Uren Suli), kjo ure prek mbi ishullin Saint-Louis, njeri nga dy ishujt natyror te Senes dhe natyrisht me i vogli. Askush nuk ju pengon ta vizitoni rreth e perqark, eshte interesant, dhe nuk ju merr me shume se 30 minuta. Rrikthehuni ne uren (Sulli) dhe vazhdoni drejt. Disa metra me tutje do te bini ne fillimin e Bulevardit Saint-German (ne te djathte) dhe Institutin e Botes Arabe (ne te majte); Nese eshte kohe dreke dhe ju ka marre urija nje restorant teper interesant tamam ne fillimin e bulevardit , “Ciao Bella” ku mund te porositni edhe ne shqip, ju ofron nje guzhine shume te mire italiane.

Dilni ne bregun e Senes dhe merrni rrugen Saint-Bernard. Vazdoni drejt, derisa te mberrini ne hyrjen e parkut “Jardin des Plantes”. I hapur per here te pare per publikun ne 1640 nga Luigji i XIII. Vizitoni me rradhe : kopshtin ekologjik; kopshtin e trendafilave; seren meksikane; kopshtin dimeror; kopshtin alpin; etj, etj... ne nje siperfaqe prej 26ha. Ky park eshte i klasifikuar “monument historik”.

Me viziten e parkut perfitoni me qetesine shplodhese dhe ngjyrat e luleve per te mbyllur viziten.

Sheshi Vendôme – (Place Vendôme)

Ky shesh ndodhet, ndermjet sheshit te Operas Garnier dhe rruges Rivoli. Do te ishte Luigji i XIV origjina e ketij projekti, i cili deshironte diçka « te medherishme » dhe « te mrekullueshme ». Ne 1685 mbreti blen hotelin e dukes Vendôme, hotel me te njejtin emer, nga ku vjen edhe origjina e emrit te sheshit.

Shume shpejt pasaniket me te medhenj te botes do te perqendroheshin ne kete shesh, shesh simbolesh te medhaja : revolucion, grusht shteti, rikthim monarkie, etj, etj !

Ne 1810 ne qender te ketij sheshi, me vullnetin e Napoleon Bonapartit, do ndertohej nje kollone ne homazh te ushtrise fitimtare. Per kete kollona ndertohet me 1200 topa lufte, trofe betejash kryesisht ruse dhe austriake.

Kollona ngrihet 44 metra dhe rrezohet ne periudhen e Komunes se Parisit, ne 16 maj 1871. Piktori anarkist Gustave Courbet, i cili do te merrte pjese aktivisht ne rreximin provokativ te kollones pergjate levizjes revolucionare, do te denohej disa vite me vone ta restauronte dhe ta rindertonte me parate e tija…